საავადმყოფოს შესახებ

მ.იაშვილის ბავშვთა ცენტრალური საავადმყოფო მულტიპროფილური პედიატრიული სამედიცინო დაწესებულებაა, სადაც  სამედიცინო  დახმარების აღმოჩენა 0-18 წლამდე ჰოსპიტალიზებული  ნებისმიერი დიაგნოზის მქონე პაციენტისათვისაა შესაძლებელი.

მ.იაშვილის ბავშვთა ცენტრალური საავადმყოფო 35 წელზე მეტია ფუნქციონირებს. დღეისათვის ჩვენ შეგვიძლია  ერთდროულად 250 პაციენტს გაუწიოთ სამედიცინო მომსახურება. საავადმყოფოს ევროპისა და ამერიკის წამყვან კლინიკებში აპრობირებული სტრატეგია გააჩნია, რომელიც ორი დონის სამედიცინო მომსახურების არსებობას ეფუძნება. პირველი - ეს არის ემერჯენსის (გადაუდებელი დახმარების) განყოფილება, რომელიც  18  საწოლზეა გაშლილი  და პირველად  საქართველოში  პაციენტებს  სამედიცინო მომსახურებას „ერთი დღის ჰოსპიტალის" პრინციპით სთავაზობს;  მეორე დონე - კლინიკის სტაციონარული განყოფილებაა, რომელიც საქართველოში ყველაზე სრულყოფილ, მულტიპროფილურ სამედიცინო სერვისს უზრუნველყოფს.

მ.იაშვილის ბავშვთა ცენტრალურ საავადმყოფოში რამდენიმე უნიკალური დეპარტამენტია რომელთა ანალოგი საქართველოში არ არის: ონკოჰემატოლოგია, ნეიროქირურგია, ტოქსიკოლოგია, თორაკალური ქირურგია; ადრეული ასაკის ბავშვთა გლობალური განვითარებისა და  მენტალური ჯანმრთელობის დეპარტამენტები.

კლინიკას  დღეისათვის 200-ზე მეტი მაღალკვალიფიციური ექიმი და 300-ზე მეტი ექთანი ემსახურება. მუდმივად ხდება სამედიცინო პერსონალის გადამზადება ევროპისა და ამერიკის  პარტნიორ კლინიკებში, ტარდება ერთობლივი კონფერენციები და კონსილიუმები. გაცვლითი პროგრამების ფარგლებში  ექიმები მრავალკვირიან სტაჟირებას გადიან ავსტრიის, გერმანიის და იტალიის კლინიკებში. აღსანიშნავია ისიც, რომ მ. იაშვილის სახ. ბავშვთა ცენტრალური საავადმყოფო თბილისის სახელმწიფო სამედიცინო უნივერსიტეტის დიპლომამდელ და  დიპლომისშემდგომი სამედიცინო განათლების ბაზას წარმოადგენს, რაც  კლინიკის კონცეფციის ერთ-ერთ შემადგენელ ნაწილს  -  ახალგაზრდა სამედიცინო კადრების მომზადების განხორციელებას უზრუნველყოფს.

უკანასკნელი 3 წლის განმავლობაში კლინიკაში  თანმიმდევრულად მიმდინარეობს სარემონტო-სარეკონსტრუქციო სამუშაოები. ამ ეტაპისათვის დასრულებულია და სახეზე გვაქვს ევროპული სტანდარტების შესაბამისი ნევროლოგიური, ონკოჰემატოლოგიური, ნეონატოლოგიური კრიტიკული მედიცინის და ინტენსიური თერაპიის, ემერჯენსის მიმართულებები. სარემონტო სამუშაოებთან ერთად წარმოებს კლინიკის სამედიცინო აპარატურის სრული განახლება და ექიმების და პაციენტების განკარგულებაშია უახლესი კომპიუტერული და ბირთვულ-მაგნიტურ რეზონანსული ტომოგრაფი, ხელოვნური სუნთქვის აპარატები და კიუვეზები, ბიოქიმიური და კლინიკური ავტომატური ანალიზატორები, ულტრაბგერითი და რენტგენოლოგიური დიაგნოსტიკის აპარატურა. გარდა ამისა, მ. იაშვილის სახ. ბავშვთა ცენტრალური საავადმყოფო საქართველოში პირველი კლინიკაა, სადაც ყველა სახის სამედიცინო დოკუმენტაციის წარმოებისას სრულყოფილადაა გამოყენებული თანამედროვე კომპიუტერული ტექნოლოგიები და ელექტრონული კომუნიკაციის სხვა საშუალებები, რაც კიდევ უფრო ამაღლებს და საიმედოს ხდის სამედიცინო დახმარების ხარისხს.

ასე, რომ მ. იაშვილის სახ. ბავშვთა ცენტრალურ საავადმყოფოს დღეისთვის  შეუძლია უზრუნველყოს თანამედროვე სტანდარტების შესაბამისი სრული სამედიცინო მომსახურება, ყველა დიაგნოზის მქონე როგორც სტაციონარული, ისე ამბულატორიული პაციენტისათვის.

წაიკითხე მეტი

მნიშვნელოვანი სიახლე

17 ივნისი, 2014

NICU ახალი მიმართულება გაიხსნა

დღეს, 17 ივნისს მ.იაშვილის ბავშვთა ცენტრალურ საავადმყოფოში, ჩვილ ბავშვთა და ახალშობილთა ინტენსიური თერაპიის დეპარტამენტის ახალი მიმართულება  გაიხსნა. დეპარტამენტი დღემდე 42 საწოლზე იყო გაშლილი, დღეიდან მას კიდევ 20 საწოლი დაემატა. ახლადგახსნილი მიმართულება მეორე და მესამე დონის უმძიმეს პაციენტებს მოემსახურება. ეს არის დღენაკლი და მძიმე, ხანგრძლივი ავადობის პაციენტები. მიმართულება ხანგრძლივი ჰოსპიტალიზაციის საჭიროების მქონე პაციენტების...

09 ივნისი, 2014

ონკო-ჰემატოლოგიური დეპარტამენტის 20 წლისთავი რედისონში.

7 ივნისს, თბილისში ონკო-ჰემატოლოგიური დეპარტამენტის 20 წლისთავისადმი მიძღვნილი კონფერენცია გაიმართა. მ. იაშვილის სახელობის ბავშვთა ცენტრალურ საავადმყოფოში ონკო-ჰემატოლოგიური დეპარტამენტი 1994 წლიდან ფუნქციონირებს. იგი დღემდე, საქართველოში არსებული ერთადერთი სამედიცინო დაწესებულებაა, სადაც ლეიკემიით დაავადებული ბავშვები...

02 ივნისი, 2014

რუდოლფ კორინტერბერგი იაშვილში

30 მაისს, მ.იაშვილის ბავშვთა ცენტრალური საავადმყოფოს, ფრაიბურგის საუვენირსტეტო კლინიკის, ბავშვთა საავადმყოფოს ნევროლოგიისა და ნერვკუნთოვანი პათოლოგიების დეპარტამენტის ხელმძღვანელი , პროფესორი რუდოლფ კორინტერბერგი ეწვია. პროფესორმა ბავშვთა საავადმყოფოში რთული დაიშვიათი დიაგნოზის მქონე ბავშვები გასინჯა. რუდოლფ კორინტერბერგი პერიოდულად სტუმრობს მ.იაშვილის ბავშვთა ცენტრალური...

ყველა სიახლის ნახვა
კალენდარი
ორ სა ოთ ხუ პა შა კვ
  01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30 31